Jorge Etxebarrieta atxilotu zuten atzo arratsaldean Aulestian
Senideek esan dutenez, Bilboko komisaldegian daukate Etxebarrieta eta poliziek jakinarazi dietenez, epailearen aurretik igaroko da datozen orduetan. Kepa Manzisidor abokatuaren esanetan, ohiko prozedura da aipatutakoa. «Auzitegi Nazionaletik espetxeratzeko agindua bidali behar dute Bilbora eta, bertako epaileak jaso ondoren, agindu hori berretsi behar du azken horrek».
Hiru urteko zigorra betearazteko, polizia nazionalak Jorge Etxebarrieta Urrutxua gazte gernikarra atxilotu du gaur arratsaldean, Aulestian, Espainiako Auzitegi Nazionalaren aginduz. Gaztearen gurasoen etxera joan ziren lehenbizi poliziak, Etxebarrietaren anaia identifikatuz. Ostean, Aulestira jo dute, gaztearen etxera, eta bertan atxilotu dute,17:10ak aldera.
Senideek esan dutenez, Bilboko komisaldegian daukate Etxebarrieta eta poliziek jakinarazi dietenez, epailearen aurretik igaroko da datozen orduetan. Kepa Manzisidor abokatuaren esanetan, ohiko prozedura da aipatutakoa. «Auzitegi Nazionaletik espetxeratzeko agindua bidali behar dute Bilbora eta, bertako epaileak jaso ondoren, agindu hori berretsi behar du azken horrek».
2007ko otsailaren 1ean izan zen Etxebarrietaren aurkako epaiketa Auzitegi Nazionalean. Duela zortzi urte «desordena publikoak» egitea leporatu zioten eta, bere aurkako akusazioak ukatu zituen arren, hiru urteko kartzela zigorra ezarri zion orduan epaileak. Iazko azaroan espetxeratze aginduaren berri eman zioten.
