Presoakaskatu

Ekinbide honetan laguntzeko espetxeko zuzendariari eta espetxeetako idazkaritzari gutunak idaztea proposatu dute gose grebalariek beraiek.

Idazteko testua (proposamena):

>> Que se respete el derecho de comunicación de los presos políticos vascos con sus familiaren en la prisión de Ocaña I

Helbideak:

Sr. Director
Centro Penitenciario Ocaña I
c/ Mártires de Ocaña 4
45300 Toledo

Secretaria General de II.PP.
Direccion General de Instituciones Penitenciarias
c/Alcalá 38
28014 Madrid

Ocaña I espetxean gose greban ari diren euskal preso politikoak

1. Aranburu Berriozabalgoitia, Peru
2. Asensio Millan, Paul
3. Erro Zazu, Iñaki
4. Gaztañaga Bidaurreta, Jose Ignazi
5. Hermosa Urra, Koldo
6. Herrador Pouso, Juan Carlos
7. Lasarte Oliden, Balentin
8. Ormazabal Gaztañaga, J Markel
9. Pujana Alberdi, Iñaki
   

Ocaña I (Toledo) espetxeko Euskal Preso Politikoen kolektiboko kideok ondorengoa ezagutarazi nahi dugu:

2008ko irailaren 1etik aurrera gose greba mugagabean aurkitzen garela.

Borrokaldiaren arrazoiak kartzelan bizi ditugun bizi baldintzak dira, eta bereziki, komunikazioei dagokienean. Komunikazioak egiteko baldintzak guztiz onartezinak izateaz gain, espetxeak ezartzen dituen mugapenek komunikazio hauetako batzuk garatzeko ezintasuna eragiten dute. Berez dagozkigun eskubideak murriztuz.

Enegarren aldiz jo dugu espetxeko zuzendariarengana eta honen aldetik ez dugu arazoa konpontzeko inongo borondaterik ikusi. Beraz, eta bestelako aukerarik eman ez digutenez, minimoak diren gure aldarrikapenak kontutan hartu bitarteko borrokaldiari ekin diogu.

Ocaña I-eko Euskal Preso Politikoen kolektiboko kideak
Ocaña 2008-09-09

Amnistiaren Aldeko Mugimenduaren aurkako auzian epaituak izan direnek sententzia jasoko dute datorren asteazkenean entzutegi nazionalean. AAMak kalean erantzuteko deia luzatu du.

Asteazken goizerako deitu dituzte Espainiako Auzitegi Nazionalaren Casa de Campoko egoitzara

Amnistiaren Aldeko Mugimenduaren (AAM) kontrako auzian epaitu zituzten 24 lagunak Espainiako Auzitegi Nazionalera deitu dituzte datorren asteazkenerako. 27 lagun epaitu zituzten, eta fiskalak eta akusazio partikularrak erretiratu egin zituen haietako hiruren kontrako akusazioak. Gainerako 24 lagunak hilaren 17an Auzitegi Nazionalak Madrilgo Casa de Campon duen egoitzara joateko zitazioak jasotzen ari dira.

Zitazioetan ez du jartzen auzitegiak zertarako deitzen dituen, baina, itxura guztien arabera, beren kontrako epaiaren berri emateko izango da.

Amnistiaren Aldeko Batzordeetako, Askatasuneko, Behatokiko eta Senideetako kideak epaitu dituzte AAMren kontrako auzian, eta 10 urtetik 13ra bitarteko espetxe zigorrak eskatzen ditu fiskalak haientzat.

13 urteko zigor eskaera:

• Aitor Jugo
• Juan Mari Olano
• Julen Zelarain

Hamarna urtekoa:

• Gotzon Amaro
• Gari Arriaga
• Alex Beaskoa
• Jon Imanol Beaskoa
• Josu Beaumont
• Maite Diaz de Heredia
• Aratz Estonba
• Ainhoa Irastorz
• Julen Larrinaga
• Txema Olabarrieta
• Jagoba Terrones
• Jorge Txokarro
• Iker Zubia
• Gorka Zulaika
• Xabin Juaristi
• Iñaki Reta
• Asier Virumbrales
• Julen Arzuaga
• Iñaki Loizaga
• Juan Antonio Madariaga
• Ixone Urzelai

«Erakunde armatuko kide»

AAMko buru izanda, «erakunde armatuko buru» izatea egotzi die Olanori, Jugori eta Zelaraini Carlos Bautista fiskalak, eta AAMko kide izanda «erakunde armatuko kide» izatea gainerako hamar lagunei.

Apirilaren 21ean abiatu zuten epaiketa eta ekainaren 18an amaitu. Akusatuek aurrenengo egunean onartu zuten beraiek AAMko kide zirela. Kasu askotan harro daudela gaineratu zuten. Horixe izan zen fiskaltzak epaiketan frogatu ahal izan zuen gauza bakarra, eta nahikoa iruditu zitzaion kartzela zigorra eskatzeko.

Errepresioa dagoen bitartean AAM ere egon egingo dela ohartarazi zioten auzipetuek Auzitegi Nazionaleko tribunalari.

Espetxearen aldetik konpromisoa lortu du laster ekarriko dutela Euskal Herrira eta lekualdaketa modu egoki eta duin batean egingo dutela. Ondorioz atzo arratsaldeko 18:30etan bertan behera utzi zuen borrokaldia.

Gose eta egarri greba uztearen arrazoiak:

Aurrez bi aldiz esan zioten (epailearen auto baten bidez)  Euskal Herrira ekarriko zutela beharrezkoa arreta medikua jaso zezan, baina bietan azken orduan lekualdatzea ukatu zioten.

Aste honetan esaten diotenean ez dutela ekarriko pazientzia agortu zaiola esaten du eta gose eta egarri grebari ekiten dio.

Ondorioz, espetxearen aldetik konpromisoa lortzen du epe labur batean Euskal Herrira ekarriko dutela beharrezkoa zaion arreta medikua jaso dezan eta lekualdatzea modu egoki eta duin batean egongo dela.

Atzo arratsaldeko 18:30etan erabakitzen du gose eta egarri greba bertan behera uztea.

Atzoko prentsaurrean bere senideek, abokatuak eta medikuak hartu zuten parte Amnistiaren Aldeko Mugimenduko kideez lagunduta.

Medikuak adierazi du Regoren egoera oso oso kezkagarria dela eta edozer gauza etor daitekeela datozen egunetan, heriotza ere bai.

AAM-ren irakurketa:

PSOE-ren gobernuak apaindutako heriotza zigorrera kondenatu nahi ditu euskal preso politikoak, gaixotasun larrien bidez, biziarteko espetxe zigorra erabiliz, presoak bakartuz eta isolatuz.

  Egoera guzti honen aurrean euskal erakunde eta alderdi politikoen ardurak eta utzikeriak ere mahai gainean jarri nahi ditugu, utzikeria guzti honek ere bide ematen baitio preso politikoen aurkako jazarpena areagotzeari.

  Konpromiso serioak eskatu nahi ditugu hemendik. Hitzetatik ekintzetara igarotzeko garaia da.

  Gizarteari ere deia luzatzen diogu, egoera honen

"Nada, Me acaban de decir que no me llevan, que había fiesta en Madrid no se que…y que dentro de diez días me llevan por conducción normal, que tenemos que volver a pedir al médico… Y mira, Ya me he cabreau y le he dicho: “Mira yo empiezo una huelga de hambre ahora mismo”. Quito médicos, quito pastillas… que me lleven como me lleven, Esta es mi última decisión, Ya sabeis lo que hay. A partir de ahora empiezo, o sea que saquen en la prensa, en todo y el motivo de lo que hay. Yo ya me meto, Que me lleven con los pies por delante,¡Me importa un copon! ya , Ya no aguanto más esto eh, Es demasiada tensión, demasiadas cosas y nada, estos me están tomando el pelo y todo el mundo me caga, hay una mano negra que me está tomando el pelo Mari Luz… O sea que ya sabes lo que hay. Que ha venido Julian, el director de seguridad y le he notificau ya y luego haré la instancia de que empiezo la huelga de hambre y sed, Todo-todo-todo Mari Luz todo eh!... todo, no me queda otro remedio, Dure lo que dure. Quiero quitarme medicamentos y todo, ¡Quito todo eh! A mi no me toman el pelo más, Ya vale ya, ya vale… Mari Luz ya vale ya, Yo ya no tengo paciencia para mas, Mi paciencia se ha acabau, Lo siento por tí por aguantar tanto sufricario pero vamos, No puedo más, Estoy al límite de mis nervios… ¡Todo todo! Por todo, Esto es un cachondeo…"

Entzun kuña:

Bideoa ikusi:

Euskal Presoak etxera!

Amnistiaren aldeko mugimendua

• Manifestazio honen debekuak helburu politiko argiak ditu. Elkartasuna eta presoen eskubideen aldarrikapena ezabatzea. Baina argi esan nahi dizuegu modu honetako debekuekin ez duzuela helburu hauetako bat bera ere lortuko.

• PNV-k sakabanaketa politika ezartzen jarri zuen indar berbera jar dezazuela eskatu nahi dizuegu sakabanaketaren amaitzeko. Esaten duzuen bezala sakabanaketarekin amaitu nahi baduzue behintzat.

• Jakitun zarete 14 preso gaixotasun oso larriekin dituztela espetxean eta bizi arteko zigorraren aplikazio praktikoa bultzatzen ari direla. Zuen utzikeriaren aurrean milaka dira egoera larri honen aurrean kalera ateratzen diren eta aterako diren herritarrak. Herritar eta senideei aldarrikapen hau egiteko aukera ukatzeak erakusten digute zuen neurri etikoa non dagoen.

• Europan euskal herritarren eskubideak aldarrikatu eta etxean ukatzeak erakusten du bestalde zuen maila politikoa nora heltzen den. Manifestatzeko eta biltzeko eskubidea herritarrak jipoituz, atxilotuz eta espetxeratuz ukatzea jarrera demokratikoa al da? Horrek ez du inolako justifikaziorik.

• Rubalcabaren asmo errepresiboen baitan ezin hobeto egokitzen da iganderako ezarri duzuen debekua. Zuek ere herri honetako arazo politikoa komisaldegi eta espetxeekin konpondu daitekeela uste al duzue?

Gure aldetik argi esan nahi dugu ez ditugula iazko irudiak berriz ikusi nahi. Manifestazio normaltasun osoz burutu nahi dugu. Gaixotasun larriak dituzten presoen askatasunaren alde eta biziarteko zigorraren aurka milaka lagun bildu nahi ditugu igandean Donostian.

Ez ditugu iazko irudiak errepikatu nahi, baina ez gaituzte kaletik botako. Igandean milaka lagun bilduko gara Donostian zilegia eta beharrezkoa den aldarrikapen baten inguruan.

Ibarretxeri eta Balzari eskatu nahi diegu ez dezatela ertzaintza bidali manifestariak jotzera eta errespeta dezatela biltzeko eta manifestatzeko eskubidea.

Amaitzeko, igandean eguerdiko 13:30etan Bulebarretik aterako den manifestazioan parte hartzeko deia luzatzen diegu herritarrei.

Azken atxiloketa, inkomunikazio eta torturak salatzeko manifestazioa burutu zan Barañainen.

 INKOMUNIKAZIOA= TORTURA!

ERREPRESIOA EZ DA BIDEA!

Atxiloketa unea oso bortitza izan zela salatu du eta galdeketa ilegalak jasan dituela. 6000 euroko fidantza ordainduta aske gelditu da. Mobilizazioak burutuko dira Gasteizen atxiloketa berri honen aurka protesta egiteko.

AZKEN INFORMAZIOA:

Ailande Hernaez gazteak tratu txarrak salatu ditu epailearen aurrean. Aske Gelditu da 6000 euroko fidantza ordainduta.

Atzo goizaldean Gasteizen atxilotu zuten gaztea 6000 euro ordainduta orain aterako da libre entzutegi nazionaletik.

Atzo abokatuarekin galdeketan egon ondoren berriz galdeketak egin zizkiotela salatu du, eta gauean zehar ospitalera eraman behar izan zutela, bizkarra erabat minduta zuelako.

Gaur epailearen aurrean egozten diotena ukatu eta tratu txarrak salatu ditu. Atxiloketa unea oso bortitza izan zela salatu du eta Gasteizko kuartelean ere behin eta berriz jo zutela. Buruan eta bizkarrean eman zizkiotela kolpeak azaldu dio epaileari eta lurrean zapaldu zutela. Lepoa eta bizkarra markaz josita ditu eta begia ubelduta. Honez gain mehatxu pila bat jaso dituela adierazi du eta guardia zibilarekin kolaboratzeko eskaintzak izan dituela esan du. Zita bat ere jarri zioten kolaborazioarekin hasteko.

Mediku forentseak bi orri bete ditu bere osasun azterketa egin duenean.

Askatasunaren salaketa:

Beste behin ere guardia zibilaren eskuetatik pasa den gazte baten lekukotza basati baten aurrean aurkitzen gara. Demokraziaren zigilupeko torturatzaileak dira espainiar okupazio indarrak, frankismoko metodo berdinak erabiltzen dituztenak, frankismoak zituen helburu berdinak lortzeko.

Rubalcaba eta Zapatero dira torturaren arduradun politikoak, tortura egon dadin baimentzen duten erantzule nagusiak. Baina testigantza hauen aurrean mutu, itsu eta gor gelditzen diren komunikabide, instituzio eta alderdi politikoak ere tortura kasu hauei bidea irekitzen dietela argi salatu nahi.

Galdera bat luzatu nahi diogu Ibarretxeri: Zer egingo duzu Ailande Hernaez gazteak egin duen salaketaren aurrean?

Torturarekin amaitzeko konpromiso serioak eskatzen ditugu. Bitartean mobilizatzen jarraitzeko deia luzatzen diegu herritarrei.

---------------------

---------------------


Atzoko atxiloketaren gaineko azken informazioa:

Guardia zibilak gaztearen inkomunikazioa eta miaketa batzuk egiteko baimena eskatu zion epaitegiari baina honek gehiegizkotzat jo zuen eskaera eta biak ukatu zizkion. Beraz mutila komunikazio egoeran aurkitzen da. Deklarazio poliziala egiteko bere konfidantzazko abokatua zitatu zuten atzo Madrilen eta deklarazioan gazteak ukatu egin zuen ekintzarekin zer ikusirik zuenik, eta ez zuen deklaratu nahi izan.

Gazteak salatu zuen atxiloketa oso bortitza izan zela eta kolpeak eta galdeketak jaso zituela, bizkarrean eta buru aldean miñez zegoela gehituz.

Teorian gaueko 22:00etan zitatu zuten abokatua deklarazioa hartzeko, baina 00:00ak arte ez zen hasi galdeketa. Gazteak adierazi zuenez ordurarte galdeketak egiten jarraitu zuten guardia zibilek. Gainera abokatuarekin egin zen galdeketa unean ere bi guardi zibil enkaputxaturik egon ziren atzekaldean. Gaztea bildur zen ea gaua nola igaroko zen.

Guzti honegatik Habeas Corpus-a eskatu dute abokatuek, lehenbailen epailearen aurrera eraman dezaten.

Printzipioz gaztea gaur pasatuko da epailearen aurretik.

Ailande Hernandez gazte atxilotu du bart guardia zibilak.

Gaueko ordubiak aldean atxilotu zuten Gasteizen bertan, gaztea kalean zebilela. Une hauetan guadia zibilaren eskuetan atxiloturik aurkitzen da gaztea.

Askatasunaren salaketa:

Inkomunikazioa da tortura ahalbidetzen duena eta inkomunikazioa aplikatzen baldin bada torturatzeko borondate politiko argia dagoelako da.

Guardia zibilak orain dela bi aste atxiloturiko euskal herritarrek utzitako tortura testigantza basatiek alarma guztiak piztera garamatzate. Guardia zibilak torturarik basatienak erabiltzen ditu bere eguneroko jardunean euskal independentisten aurka. Ondorioz, pertsona hau torturatua izateko arrisku bizian dagoela adierazi nahi dugu.

Zapatero eta Rubalcaba torturaren arduradun politiko nagusiak direla salatu nahi dugu. Eta erakunde eta alderdiei dei egin nahi diegu inkomunikazioaren amaitzeko benetako neurriak har ditzaten.

Pertsona honen askatasuna eskatzeaz gain atxiloketa hau salatzeko egongo diren mobilizazioetan parte hartzeko deia luzatzen dugu.

Gasteizko Amnistiaren Aldeko Mugimenduak deituriko mobilizazioak atxiloketaren aurka protesta egiteko: