Presoakaskatu

Bai gaurko atxiloketak bai azken egunetan burutu direnak "Estatu espainolak daraman estrategia errepresiboaren baitan" kokatu ditu Askatasunak.

"Independentziaren aldeko borroka polizia operazio basatien, makrosumarioen, espetxe politika hiltzailearen eta antzeko bide errepresiboen bidez zapaltzeko hautua egin dute", baina "herri honetan urte luzez erakutsi da errepresioa antzua dela", erakunde horren ustez.

Euskal Herria bizitzen ari den "uholde errepresiboaren" aurrean, errepresioaren aurkako borroka indartu eta atxiloketak salatzeko deitu diren mobilizazioetan parte hartzeko deia egin du azkenik.

Kepa Arronategi, Gernikar preso politikoak, 10 urte bete ditu gaur kartzelan. Idaztera animatzen zaituztegu, herriak gogoan dugulako.

Kepa askatu!!!

Atzo Donostian izugarrizko istiluak izan ziren Falangeko kideak zetozela eta, hainbat eta hainbat lagun hori ekiditeko kalera irten zirenean.

Edukiontziak eta banketxeak erre zituzten, besteak beste han bildutakoek. Guztia Boulevardean Jaialdi Antifaxista egiten ari zirela eta Ertzaintzaren oldarraldiarekin hasi zen.

Donostiako Gros auzotik Amarararaino, erdigunetik pasata, ez ohiko eskenatoki bihurtu zen, edukiontzi eta autoekin errepide erdian.

Lakuako Herrizaingo Sailak azaldu duenez, bi lagun atxilotu zituen Ertzaintzak, nahiz eta lekukoek atxiloketa gehiagoren berri eman zioten atzo GARAri.

Informazio agentzia espainolek adierazi dutenez, atxilotuetako bat, adingabea, aske utzi dute gaur eta bestea epailearen esku.

Kepa Arronategi, euskal preso politikoaren urtebetetzea da bihar, Urriaren 12an.

Aukera ona ere bada, postal, gutun edo zerbait bidaltzeko, urteak egiteaz batera bere konpromisoan eredugarri dugun euskal gudari honi zorionak eta eskerrak eman eta gure elkartasuna adierazteko.

Zorionak Kepa eta eskerrik asko erakusten duzun adore eta kemen horregatik!

Urriaren 12an Iruñan burutuko den manifestazioara joateko, autobusa jarriko da.

15:00etan, Gernikako Saraspe plazan izango da.

INDEPENDENTZIA!!!

ERREPRESIOA EZ DA BIDEA!

MARKO DEMOKRATIKOAREN ALDE ATXILOTUAK ASKATU!

Dakizuen moduan, Garzón espainiar epailearen eskutik, Batasunako 23 kide atxilotuak izan dira.

Operazio politiko-judizial honen helburu garbia, euskal independentismoa zigortzea eta ezker abertzalearen jarduera politikoa baldintzatzea da.

Atxiloketa hauek ez dira kasualitatez izan, espainiar estatua krisian dago. Gure herriaren askatasuna aurrera eramateko beharrezkoa den ezker abertzalea kolpatzea izan da helburua.

Argi daukagu, herri honen askatasun nahia ezin dela errepresio bidez zapuztu. Herri honek, autodeterminazio eskubidea bereganatuko du, independentzia eta sozialismoaren bidean. Errepresioak ez du Euskal Herriaren aldeko askatasun prozesua baldintzatuko.

Hau dela eta, Urriaren 11an, eguena, mobilizazioak egingo dira Gernika-Lumon:

• 11:30etan, paroa irakaskuntzan.
• 11:30etan, kontzentrazioa udaletxe aurrean.
• 12:00etan, manifestazioa udaletxe aurretik hasita.
• 19:30eta, manifestazioa eriabarrenatik hasita.

 Herri txikietan ere, kontzentrazioak egingo dira. Adi mobilizazioetara!

ATXILOTUAK ASKATU!

Gaur, atxiloketak salatzeko 19:30eta kontzentrazioa Arrien aurrean.

Atxilotuak askatu!

Errepresiorik ez!

Marko demokratikoa orain!